Niadtong gabii sa Marso 28 niining tuiga, gipahigayon ang usa ka oras nga pagpapalong sa mga suga sa mga lumulupyo sa siyudad sa Tagum. Gisubay kini sa gitawag nga Earth Hour 2009, kung diin ang tibuok kalibutan nagkahiusa sa panawagan sa pagpalong sa suga sa sulod sa usa ka oras. Ang maong panawagan gipaagi sa usa ka Resolusyon nga giduso ni kagawad Remitar nga naga-awhag sa tanang Tagumenyo sa pagsuporta sa usa ka mahinungdanong paagi sa pag-amping sa atong kinaiyahan. Ang pagpalong sa suga adunay dakong kalambigitan aron mapaubos ang pagbuga sa Greenhouse Gas sa atong kalibutan nga maoy hinungdan sa pag-usab-usab sa atong panahon karon, nga gitawag nila’g Climate Change.
Ang maong buhat gisugdan niadtong tuig 2007 sa usa ka siyudad sa Sydney, nasud sa Australia pinaagi sa ilang mga programa aron sa pag-amping sa k
inaiyahan. Kini nakapukaw sa atensyon sa tibuok kalibutan og niadtong tuig 2008, Tres Siyentos Sitenta’y Uno (371) ka mga siyudad sa trenta’y singko (35) ka mga nasud ang nagpahigayon og pagpapalong sa ilang mga suga para sa nagkahiusang panawagan nga maghimo og mga lakang para tubagon ang problema sa pausab-usab nga panahon og pagtipid sa enerhiya.
Agi’g paghinumdum, niadtong Hunyo 7 tuig 2008 unang gipasa ang usa ka Resolusyon pinaagi ni Kagawad Remitar aron sa pag-awhag sa mga residente sa tibuok siyudad sa Tagum sa pagpalong sa mga suga subay sa pag selebrar sa “World Environment Month” og sama sa maong tumong gihimo pud ang maong panawagan dili pa dugay niadtong Marso 28, 2009 subay pud sa “Earth Hour 2009”
Kahinumduman sa tibuok siyudad sa Tagum nga pipila lang ang misuporta sa maong kalihokan sa unang higayon niadtong tuig 2008, apil niini ang maihap nga dagkong establisyemento sa komersyo, gobyerno, relihiyoso, og sa pribadong sector. Sama sa maong tumong, sa ikaduhang higayon niadtong Marso 28, 2009, mapasalamaton kaayo kita kay ubay ubay pud ang misalmot sa maong tawag og maingon nga nahimong malampuson ang maong panawagan.
Usa sa mga importanteng buhaton sa tawo aron maampingan ang kinaiyahan mao ang pagtanum og mga kahoy. Pinaagi niini suyupon sa mga kahoy ang mga dautang element nga makadaot sa tawo ug nagadaot sa atong kahanginan. Busa niadtong Hunyo 20, 2009, sayo sa kabuntagon, gipundok ni Kagawad Remitar ang grupo sa mga magbabasa (Lectors’ Group) sa Parish of Christ the Eucharistic King, diin usa siya sa mga miyembro, diha sa dakong luna kilid sa ginahimo nga New City Hall sa siyudad sa Tagum aron sa pagtanum og mga kahoy. Kini gihimo agi’g pagtabang sa kinaiyahan bisan sa ginagmay nga pamaagi, para mapanalipdan ang pag-grabe sa polusyon sa atong kahanginan nga mao unya ang magdala sa atong tanan sa kaalautan kung kita dili magpakabana niini.
Gawas niini, adunay plano si Kagawad Remitar nga awhagon ang ubang nagkalain-laing relihiyosong pundok aron sa pagbuhat usab sa nasugdan na nga pagpananum, aron unya puhon, kun dili man nato mapaayo ang kahimtang sa atong kinaiyahan, sa atong mga pagpaningkamot, ato man lang mapataas pa ang kapuslanan niini.
0 comments:
Post a Comment