MEGAPHONE, DVD PLAYER, MESH NETS UG MEDICAL EQUIPMENT NAHATAG PINAGI SA MBN FUNDS NI KOSEHAL JOEDEL T. CAASI

By: Bob Q. Otaza

Naka dawat ug megaphone ang Purok Country Homes sa Barangay Mankilam, Tagum City. Dugay na kining gi handom nila didto aron magamit sa ilang mga aktibidadis sa matag karon ug unya. Busa dako kaayo ang pasalamat kang konsehal Joedel Caasi didtong dapita sa mga kaigsoonan ilabina gayod ang mga opisyales sa purok.

Samtang ang Laureata National High School iya usab gi hatagan sa DVD Player aron magamit sa maong tulunghaan. Mismong ang Principal nga si Mr. Jeffrey Villarosa ang midawat sa opisina ni Hon. Caasi sa maong player aron magamit sa Records Section and Functional Reading Center. Ang kugihan nga konsehal wala gayod mag makuli sa pag-abot sa maong gamit. Pinaagi sa iyang MBN program naningkamot gayod sa pagpalit sa mga gamit sa eskwelahan . Matod pa ni konsehal Caasi bisan unsa ka gamay sa pondo basta e prioritize ang gikinahanglan kaayo sa mga tao, mapuslan ug mabulokon ang sangputan kay kini tinuoray man pag serbisyo. Dili pa lamang dugay naghatag ug mga pukot (mesh nets) usab si Hon. Caasi sa mga taga coastal barangays sa Liboganon ug Bingcungan alang sa ilang panginabuhian o livelihood. Haduol kini sila (mga gagmayng mangingisda) sa iyang dughan, matud pa ni Caasi.

Bulan sa hunyo 2009 nakadawat usab ang Honey Club of Davao Ragional Hospital sa mga 20 boxes of strips and lancets medical equipment alang sa pagkuha ug glucose blood sample. Kung mahinumduman nato ang Honey Club usa ka Accredited Non Government Organization(NGO) upat na ka tuig ang milabay. Ubay-ubay ang miembro niini nga dunay sakit sa diabetes. Ang suporta sa City Government nag padayon niining usa ka sector sa atong komunidad diin si Konsehal Caasi nag tan aw gayod sa kaayohan sa panglawas. Himsog nga katawhan, himsog usab ang siyudad, dugang pang sulti ni konsehal.

Dako ang kalipay sa mga hingtungdan nga na hatagan sa ilang mga gikinahanglan. Matod pa sa atong halangdong konsehal “basta alang sa mga katawhan nga lumulupyo sa syudad iya kining gi paningkamutan mahatagan bisan sa mga gagmayng mga butang nga maka tabang kanila. Bisan sa personal o purok, barangay nga mga request sama sa kawayan o bamboo sa iyang kaumahan sa walay pagpihig iya kining gihatag sa atong katawhan.